किल्ला हडसर
पुणे जिल्यातील जुन्नर जवळ
हडसर पर्वतयेथे हा किल्ला आहे. समुद्र सपाटीपासून १,०२८ मी. उंचीवर हा किल्ला असून
या किल्ल्याला नैसर्गिक कड्याची उभी तटबंदी आहे. जुन्नरहून जवळच हडसर हे
किल्ल्याच्या पायथ्याशी असलेले गाव आहे. गडावर जाण्यासाठी कातळात खोदलेल्या
पायऱ्या आहेत. गडाचा दरवाजा सुध्दा एक अखंड कातळ खोदून केलेला दिसतो. दुसरा
दरवाजाही कातळातच खोदलेला असून हे दोन्ही दरवाजे म्हणजे त्यावेळच्या वास्तुशास्त्राचा
एक उत्तम नमुना आहे. गडावर पिण्याच्या पाण्याची टाकी आहे. बोगद्यासारख्या
खोदलेल्या मार्गाने पुढे गेल्यावर धान्य कोठार लागते. किल्ल्यावरील तीन प्रसस्थ गुहारी वैशिष्टपूर्ण आहेत.
गडावर शंभू महादेवाचे मंदिर असून मंदिरातील गणपती व गरुड मूर्ती अत्यंत सुंदर आहे.
मजबूत आणि उत्तम बांधकामाचा प्रकार पाहता सातवाहनांनी तो बांधला असावा असे वाटते.
१६३७ मध्ये शहाजी राजांनी मोगलांच्या ताब्यात देलेल्या किल्ल्यांपैकी हा एक किल्ला
होय. नाणे घाट मार्गावरून येणाऱ्या शत्रूला थोपविण्यासाठी या किल्ल्याचा उपयोग
होता. कातळ भिंतीमुळे वैशिष्टपूर्ण ठरलेला हडसर तथा पर्वतगड हा किल्ला इतिहास
काळातील आपले वेगळेपण जपून होता.
कोणत्याही टिप्पण्या नाहीत:
टिप्पणी पोस्ट करा