किल्ला गोरखगड
ठाणे जिल्यातील
मुरबाड जवळ गोरखगड हा किल्ला समुद्र सपाटीपासून ६५१ मी. उंचीवर आहे. मुंबई-पुणे
मार्गावरील कर्जत वरून गोरखगडला जाता येते.किल्ल्याच्या अलीकडे रस्त्यावर
गोरखनाथांच मंदिर आहे. या देवळापासून पायवाटेने गडावर जाता येते. गोरख गडाचा सुळका
दिसतो. तेव्हा या गडावर जाण्याची वाट अवघड असल्याने लक्षात येते. कातळ मार्गाने
जाताना कातळाचाच कोरलेला दरवाजा व भुयारी मार्ग लागतो. तेथून पुढे गडाचा मुख्य सुळक्याच्या
बाजूने पायावाटेने गेल्यावर एक गुहा दिसते. गुहेच्या समोर कातळावर शिल्प कोरलेले
आहे. घोडयावर स्वार असलेल्या दोन व्यक्ती शिल्पात दिसतात.
या शिल्पात मामा
भाच्याचे शिल्प असे म्हणतात. उजवीकडे पायवाटेने दुसरी गुहा लागते. या गुहेच्या
दर्शनी भागात कोरलेले सहा खांब लक्ष वेधतात. गुहेसमोर अरुंद जागा व खोल दरी
असल्यामुळे तेथे जाताना काळजी घ्यावी लागते. गोरखगडाच्या सर्वोच्च शिखर हे कठीण पायऱ्यांमुळे गाठणे
अवघड आहे. गोरखगडच्या माथ्यावर गोरखनाथाचे लहान देऊळ आहे. गोरखगडाच्या सर्वात
वरच्या टोकावरून सह्याद्री कडे कपाऱ्यांचे विलोभनीय दर्शन घडते. समोर
मच्छिंद्रगडाच्या सुळका, दक्षिणेस सिद्धगड, उत्तरेस कळसुबाई तसेस आजोबा पर्वत, नाणेघाट
असा मोठा परिसर येथून दिसतो.
कोणत्याही टिप्पण्या नाहीत:
टिप्पणी पोस्ट करा