किल्ला धोडप
नाशिक जिल्यातील कळवण जवळ
धोडप हा किल्ला समुद्र सपाटीपासून १४५१ मी. उंचीवर आहे.अजिंठा रांगेतील हा सर्वात
उंच किल्ला आहे. नाशिकहून कळवणकडे जाताना वडाला फाट्यावरून धोडप किल्ल्यावर जाता
येते. धोडप किल्ल्याच्या पहिल्या दरवाजाने आत गेल्यावर सिद्धेश्वर महादेवाचे मंदिर
लागते. जवळच पाण्याच्या दोन टाक्या आहेत. पुढे कातळात कोरलेल्या पायऱ्याने
गेल्यावर गडाच्या बांधलेल्या दरवाजा लागतो. गडावरील पडका असला तरी भव्य वाडा
ऐतिहासिक वैभवाचे दर्शन घडवितो. खडकात खोदलेल्या चार गुहा येथे आहे. गुहेत दालनं
असून चांगल्या पाण्याच्या टाक्याही आहेत. जवळच भवानी मातेचे मंदिर आहे. मंदिरातील
मूर्ती तांदला प्रकारची आहे. गुहेपासून पुढे चिंचोळी माची लागते. गडावरील बुरुज
सुरेख आहे. येथून सूर्यास्ताचे विहंगम दृश्य दिसते. माचीच्या उजव्या बाजूला
अप्रतिम महादरवाजा असून तेथील घुमट दर्शकांना आकर्षित करतो. धोडपचा किल्ला हा १६००
पूर्वी निजामाकडे होता. १६३५ मध्ये मोगलांनी हा किल्ला जिंकला. १६७२ मध्ये छत्रपती
शिवाजी महाराजांनी हा किल्ला मिळविण्याचा प्रयत्न केला होता त्यावेळी तो जिंकता
आला नाही; परंतु नंतर मराठ्यांना तो जिंकण्यात यश आले. पेशवाईच्या काळात
राघोबादादा व पेशवे यांच्यात लढाई होऊन राघोबादादा त्यात शरण आले. पुढे १८१८ मध्ये
हा किल्ला इंग्रजांनी ताब्यात घेतला.
कोणत्याही टिप्पण्या नाहीत:
टिप्पणी पोस्ट करा